Қоғамда зорлық-зомбылықтың болмауына ықпал тигізіп, балалар мен әйелдерге, қарттарға құрметпен қарау көзқарасын қалыптастыру мақсатында «Жасұлан» балабақшасында «Отбасындағы зорлық-зомбылыққа жол жоқ!» тақырыбында шара өтті.

Онда балабақша тәрбиешілері «Шаңырақ» және «Әділет» топтарына бөлініп, өзара сайысты. Олар алдымен өз топтарын таныстырған соң өнерлерін көрсетіп, «Жанұяда қатыгезсіз әлемді қалай орнатуға болады?» тақырыбында эссе жазды. Сондай-ақ, отбасындағы зорлық-зомбылық бағытында қойылған сұрақтарға жауап беріп, мақал-мәтелдердің мағынасын көрініс арқылы көрсетті. Нәтижесінде, «Шаңырақ» тобы жеңімпаз атанды.

Шараға қатысқан аудандық аналар кеңесінің төрайымы Бағытжамал Жұмабаева, аудандық білім бөлімінің бас маманы Бақтыгүл Нұғманова, аудандық полиция бөлімінің ювеналды полиция тобының аға учаскелік инспекторы, полиция майоры Бекзат Байжандар өз пікірлерін ортаға салды.

Бауыржан САҚТАСИНОВ.