060500 Қызылқоға ауд Миялы а Қ Сәтбаев 1 +7 (71238) 21738 mialy44@mail.ru

Қамданған қапы қалмайды

Енді бірер айдан кейін күн жылынып, қар ери бастайды. Өзендер тасып, сай-сала суға толады. Сол кезде халыққа төнетін басты қауіп – су тасқыны. Соған орай, жақында аудан орталығында «Көктем-2019» республикалық командалық-штабтық оқу жаттығу жиыны өтті.

Оған аудандағы азаматтық қорғау, жедел авариялық құтқару қызметтері мен шұғыл әрекет ету жасақтарынан 23 техника мен 90 адам қатысты. Оқу жаттығу жиынын қадағалаған аудан әкімінің орынбасары Жәнібек Тұрдағалиев пен аудандық төтенше жағдайлар бөлімінің басшысы Айбол Карин әр құрылымның техникалары мен құрылғыларын тексеріп, қар ери бастасымен кез-келген жағдайға сақадай-сай тұрулары керектегін ескертті. Саптық дайындықтан кейін Б.Аманшин атындағы орта мектепте су тасқыны кезінде адамдарды көшіру, арнайы белгіленген пунктке жеткізу бағытында оқу-жаттығу жиыны өтті.

Онда су тасқынынан зардап шеккен тұрғындар тез арада мектептің спорт залына әкелініп, оларға алғашқы көмек көрсетілді. Оқу жаттығу жиынында жауапты мекемелер өздеріне берілген тапсырмаларды мұқият орындап, төтенше жағдайларға дайын екендігін көрсетті.

Дулат МӘТЖАН

Әкім жұмысына баға беріңіздер

Аудан әкімінің жұмысына қандай баға бересің?
Елді мекендердің тазалығына қандай баға бересіз?
Әкім тағайындалғалы ауданда жұмыссыздық деңгейі өзгерді ме?