Бүгін таңғы жергілікті уақытпен сағат 7.00-де басталған Қазақстан Президенті сайлауы кешкі сағат 20.00-де өз мәресіне жетті.

Барлық сайлау учаскелерінде бақылаушылардың қатысуымен сайлау парақшалары салынған жәшіктер ашылып, дауыс санау басталды. Осы аралықта №144 сайлау учаскесіне тіркелген 1709 сайлаушының 1003 сайлаушы өз таңдауын жасаса, №143 сайлау учаскесіндегі 1818 адамның 1444-і дауыс берді. №144 сайлау учаскесінде денсаулықтарына байланысты келе алмаған 21 адамның өз өтініштері бойынша үйлеріне сайлау жәшіктері апарылды.

Сайлау барысын бақылап отырған «Аманат» азаматтық платформалық орталығының бақылаушысы Қуанышбек Кәрім ешқандай заң бұзушылықтың болмағанын айтады.